Indian Graduates Berozgar Kyu Hai ?

Berozgar, Berozgaari (बेरोज़गारी), Unemployment, Graduates, Jobs ye sab vo words hai jo hum har jagah, raat-din, sote-jagte, uthte-baithte, har Newspaper, News Channel, Social media, political party ke Manifesto aur pata nahi kaha kaha dekhte aur padhte hai. India me aaj hajar ya lakh nahi, karodon (करोड़ों) log berojgar hai aur roj badh rahe hai. Sochne ki baat hai ki ek waqt Vishva Guru (विश्व गुरु) raha ye desh Modern India bante bante kaise is berozgaari ke jaal me itni buri tarah fas gaya.

Graduate employability par huye ek survey se khulasa hua ki..

  • India me sirf 19% Engineering Graduates, employable (Kaam karne ke layak) hai.
  • Commerce, Science & Arts jaise non engineering streams ke sirf 5-6% graduates employment (रोज़गार) ke kabil hai.

Itni kharab haalat ke kya karan ho sakte hai? Iske liye kise blame kiya jaana chahiye? Kahan sudhar ki gunjaish hai? Humne research kiye aur bahut kuch pata lagaya. Chaliye dekhte hai kya..

Indian me har saal 3 million (30 lakh) se jyada graduates college se paas ho kar nikalte hai. Inme se 20 se 25 percent graduates sirf engineers hote hai.

Pichle kuch saalon se Indian graduates me Berozgaron ki ginti (संख्या) lagatar badhti ja rahi hai aur isme sirf engineering graduates hi shamil nahi hai balki sabhi streams se pass huye graduates me se jyadatar berojgari ki maar sahne ko majboor hai.

Indian Graduates Unemployable (Berozgar) Kyu Hai

Engineering Graduates Ke Unemployable Hone Ke Reasons

  • Engineering is just a Degree Thing : Pahle engineering ko ek professional career mana jaata tha, lekin aaj ke time me engineering logon ke liye sirf graduation complete karne ka ek rasta ban gaya hai. Maximum engineering colleges ke students se pucha jaaye ki vo engineering kyu kar rhe hai to jawab milta hai graduation to karni hi padti hai, varna job kaise milegi.
  • Incapable Teachers and Faculty :  Colleges me ghatiya quality ke teachers & faculty ka hona ek bahut bada reason hai. Aaj haalat ye hai ki jis insaan ko koi job nahi milti vo teacher ban jaata hai, mostly private colleges ko teacher ke naam par sirf ek person chahiye vo us person ko ek job. Maximum teachers me, na hi padhane ki capability hoti hai aur na hi interest.
  • 39% Theory, 1.75% Practical, Rest% Nothing : Padhane ke naam par sirf theory ratwayi (रटवाई) jaati hai. practical classes ko sirf ek formality se jyada kuch nahi samjha jaata. Ek practical book purchase karo, kahi se dekh kar kuch experiments likh do aur exam se pahle teacher ke sign karwa lo ya thode talented ho to khud hi teacher ke jaisa sign kar do, itna enough hai practical me 30 me se 27-28 marks lene ke liye.
  • Outdated Curriculum (पुराना पाठ्यक्रम) : Jo thoda bahut teachers padhate bhi hai vo bhi kisi kaam ka nahi hota. 4G-5G ke time me GPS aur Infrared ki technology ke barabar ki padhayi karwayi jaati hai jo aur bhi jyada muskil paida kar rahe hai.
  • Subjects of No Use : Graduation ke dauran kayi aise (faltu) subjects padhaye jaate hai jinka industry me khi koi kaam nhi hota. B.tech ke 4 saal me ek engineering student ko kam se kam 35-40 subjects padhaye jaate hai jinme maximum useless hote hai.
  • Galat Govt. Policies : Government ki galat policies ki vajah se aaj koi bhi kahi bhi Engineering college ya Polytechnic College open kar deta hai jha education ki quality koi nahi dekhta.
  • It’s Business, Nothing Else : Maximum engineering colleges (mostly private) sirf ek business karne ki jagah bane huye hai. Jya Business karne waale ko sirf profit se matlab hai.
  • Jis tarah ke jobs aaj-kal ke engineering graduates dhundhte hai vo bhi badi samasya hai.
  • Agar aaj ke engineering graduates se baat ki jaaye jinhone recently engineering complete ki hai to pata chalta hai ki unme se mostly non-technical sectors me kaam karna chahte hai.
  • Computer science ya I.T ke graduates software engineers nahi banna chahte. Vo kuch aur chahte hai jaise ki Analysts, Technical Sales, Marketing ya Accounting ya is tarah ki aur bahut si dusri jobs.

Engineering Ke Alawa Dusre Streams Ke Graduates Ki Condition

Unfortunately sirf engineering hi nahi sabhi dusre streams ke graduates ki haalat kharab hai. Agar engineering graduates me employability rate 19% hai to dusre streams : Commerce, Science aur Arts ke graduates ke liye condition behad depressing (निराशाजनक) sirf 5-6% hai.

Graduates Ke Berozgar Hone Ke Main Karan

⚡ Higher Education Me Changes (Updation) Na Hona

Teaching quality aur curriculum industry ki expectations (उम्मीदों) ke mukable behad ghatiya hai. Students ko aaj bhi vo padhaya jaata hai jo 2004 me padhaya jaata tha jiski current time me bilkul jarurat nahi. Padhane ke naam par bas kuch bhi padha diya jaata hai, isliye time to time Syllabus and Books ka update hona sabse jyada jaruri hai.

⚡ Seriousness Ki Kami

Pichle ek dasak (दशक) se colleges me minimum attendance rate ko puri tarah neglect kiya jaane laga hai, iski taraf jarurat ke mutabik dhyan nahi diya jata. Kuch students college aate bhi hai to lectures me sirf attendance ke liye, jaise hi attendance lagi vo class se nikal jaate hai aur fir next lecture me attendance lagwane class me hajir ho jaate hai. Kadwa sach to ye hai ki bahut se teachers bhi class me sirf attendance lagane hi aate hai taki unhe salary milne me koi problem na ho.

College education ka purpose aur system behad badal gaya hai. Youngsters ko college khatam hone par sirf Degree chahiye, vo kuch seekhna ya progress karna nahi chahte aur na hi unhe iske liye aware kiya jaata hai. College time ke dauran maximum students ka saara dhyan study par na ho kar dusri cheezon par hi hota hai, jaise Movies, Games, Cricket & Football Matches, WWE, Fun, P0rn etc.

Love & Relationships : Aaj-kal colleges me lagbhag 80% students relationship me hote hai, aur jha relationship hai vha problem hai. Jab ek person ek relationship me hota hai to use har choti badi baat ko tension hoti hai aur use kyi baaton ka khyal rakhna padta hai, relationship me thodi problem aane par bhi insan ka dimag ka dimag theek se kaam nahi karta aur aise me study karna impossible hi hota hai. Ye vo problem hai jo Teachers ya Curriculum ki problem se bhi badi problem hai. Is vajah se kyi bright students apna dhyan padhayi par nahi laga paate aur apna present aur future barbad kar baithte hai.

⚡ Preparations Ki Kami

Sirf college curriculum par ilzam lagana bahut aasan hai, jabki aaj ke Karo ya Maro waale competition ke time me institutes ko is cheez ki bhi behad jarurat ki vo Berozgaari ki samasya ko jaldi se jaldi pehchane.

Institutes ko apne students ko unke interest ki cheezon (communication, coding, accounting etc) par based additional skilling courses ke through sensitivise (जागरूक) karna hoga aur unhe iski regular training deni hogi.

Graduates Ko Kya Karne Ki Jarurat Hai?

  • Sabse pahle to Graduates ko ye samajhna hoga ki sirf higher education aapko kisi kaam ke layak bana deta hai.
  • Bahut badi galti students ye karte hai ki vo ye decide karne me bahut der laga dete hai ki – Life me kya karna hai. Maximum students ye faisla lene ke liye last year tak ka wait karte hai.
  • Kyi students graduate to ho jaate hai unhe graduation ke baad bhi ye pata nhi hota ki unhe kya karna hai. Aise me kabhi safalta nahi mil sakti, kisi bhi field me safalta hasil karne ke liye career goals ka hona behad jaruri hai.
  • Graduates ko is baat baat ki umeed nahi karni chahiye ki unka institute unke liye jobs khojega. Jaisa ki unhone promise kiya tha.
  • Start early – Jab student first year me hote hai tab se hi unhe internship opportunities search karni chahiye jo vo holidays ya weekends ke dauran kar sakein.
  • Graduation complete hone ke time student ke paas ek acha Profile aur behad jaruri Work Experience hona chahiye.

Employers, Fresh Graduates Me Kya Skills/Talent Dekhte Hai?

  • Koi bhi employer sabse pahle candidates ke Basic communication skills dekhta hai.
  • Mostly employers graduates ki Analytical Reasoning Skills check karte hai.
  • Kisi ko job dene se pahle vo ye dekhte hai ki person kisi situation ko kitni jaldi aur kitni acchi tarah se samajh sakta hai aur us situation se kaise deal karta hai.
  • Engineering jobs jisme engineers ko office ke bahar kabhi travel bhi nahi karna hota uske liye bhi English writing aur speaking skills dekha jaata hai.
  • Job responsibilities : Aaj-kal kaam ke alawa aur bhi kyi skills dekhe jaate hai jo job role se jyada related bhi nahi hote. Jaise technical sales support job ke liye candidate ka regular reading karna behad jaruri hota hai, use isse bhi up-to-date rehna hota hai ki competitors kya kar rahe hai aur market me kya chal rha hai, communication acha hona jaruri hai aur jarurat padne par aane waale issue ko solve kar paaye.

Freshers Ko Hone Waale Problems

  • Late Start Karna – maximum graduates apni education complete hone tak ek acha CV tak nahi banate.
  • Dikhawe Ki Zindagi – Aaj-kal ki generation ko is cheez ki bahut fikar rehti hai ki unke dost kya sochte hai aur fir vo faisla karte hai ki unke liye best kya hai. Vo apne interest ki kisi cheez ko try karne se darte hai aur ghabrate hai aur vo kuch safe karna chahte hai.
  • Patience Nahi Hai – Aaj ki youth ko har cheez jaldi aur sahi chahiye, unme patience ki bahut kami hai.
  • No Self Improvement – Youngsters apne aap me improvement ke liye bilkul time nahi lagate jiski vajah se vo apni capacity ke mutabik perform nahi kar paate aur nirash ho kar negativity me jeete rahte hai.

Indian Education System Me Sudhar Jaruri Hai

  • Is cheez ki bahut jyada jarurat hai ki school aur colleges me industry-relevant curriculum padhaya jaaye aur purane outdated topics ko syllabus se hata diya jaaye.
  • College education ke saath-saath shuru se hi skill buildings par bhi regular dhyan diya jaana chahiye.
  • Industry me jarurat padne waale common skills college education ka hissa hona chahiye.
  • Theory part kam karke Practicals par jyada jor dene ki jarurat hai.
  • Bahut se subjects aise padhaye jaate hai jinki koi jarurat nhi hoti unhe syllabus se hata dene chahiye.
  • Kuch special training hote hai jo sirf industry me job ke time hi diye ja sakte hai but basic skills schools aur colleges me hi sikhaye ja sakte hai aur sikhaye jaane chahiye.

Indian Parents Ke Liye Advice

  • Maximum Indian parents ye mante hai ki Art aur Creative Jobs me achi safalta nahi milti.
  • Indian parents ka man-na hai ki banking or public sector jobs sabse secure aur profitable hai, jabki aisa nahi hai.
  • Aaj Industry badal chuki hai, isliye jarurat aur skills ke aadhar par safalta milti hai.
  • Parents ke liye ye jaruri hai ki Schooling or College ke dauran vo apne bacchon ko unke interest ki cheezein karne dein. Taki jab vo graduate ho to unhe is baat ka acche se pata ho ki unhe life me kya karna hai.

Ye vo reasons hai jo responsible hai aaj ke Indian Graduates ko unki pasand aur field ki jobs na milne ke piche. Ek bahut bada sach ye hai ki, graduate chahta to hai ki use USA me software developer ki job mil jaaye par uski kabiliyat ek Data entry operator ke layak bhi nahi hoti, aise me muskil paida hoti hai. Isliye jaruri hai sahi time par sahi kaam kiye jaaye.

In sabke alawa ek cheez aur hai jo sab kuch barbad kar rahi hai, jiski vajah se jo reality me layak (capable) teacher candidates hote unhe job nahi mil paati aur incapable candidates ko teacher ki post mil jaati hai. Is sab ki ek vajah hai…

✗ Caste Based Reservation

Reservation system jis vajah se shuru hua tha, jis maksad ke liye Aarakshan (आरक्षण) di gayi thi use bhula kar, political parties ne ise apne fayde ke liye ek aisa hathiyar bana liya hai jiske chakkar me sab kuch barbad ho raha hai. Sirf kisi ki cast low hone ki vajah se use vo post de di jaati hai jiska vo na hi hakdar hota hai aur na hi uske layak aur jab is tarah ki cheez hoti to lakh kosish karne par bhi baki cheezein theek nahi ho sakti.

Disclaimer

Teachers, faculty ya colleges ke baare me jo bhi likha gaya hai vo har teacher ya faculty ke liye nahi hai. Agar koi teacher apni duty puri Honesty se karta hai to hum unki ijjat karte hai.

Kuch logon ko meri baat ya mere kuch words kadwe lag sakte hai, jo sach hai maine sirf vo likha hai. Yadi aapko koi suggestion deni ho ya aapke paas is article se related kuch share karne ke liye ho aur aap kuch kehna chahte ho to hume jarur btaye. Yadi koi point galat laga ho to aap apni baat keh sakte hai.

11 comments

  1. Niharika Gadoi says:

    Hlo sir Mera naam Niharika h mai Arts stream se hu mai b.a first semester ki student hu mere subject sociology and English h mujge ye Dono subject pasand h mujhe in future kya karna chahiye in subject ke base me

    • Salahkar says:

      Hi Niharika, aapko subjects ke base par kuch choose ki bajaye apni Interest ke future ke baare me soch kar subjects choose karne chaiye. Sabse pahle is cheez ko list nikalo ki aage aapke paas kya kya options hai and unme se jo aapko pasand aaye us par focus karke preparation karo to behtar hoga.

  2. Rajesh Kumar Pattnayak says:

    Mera naam RAJESH KUMAR PATTNAYAK hai me Batchelor in hotel management karna chahta hoon. Or main 12th 50% laaya hoon Science stream me.. Kya hotel management me achi future hai??

    • Salahkar says:

      Yes Rajesh, agar aapko hotel line me interest hai to aapko definitely ye karna chahiye kyunki hotel line me all over the world hamesha ache professionals ki jarurat rehti hai.

Leave a Reply