India Me Sabse Jyada Pratishtha (प्रतिष्ठा) Waali Naukari (Jobs)

Adult life me kisi ke liye bhi ek bahut bada Challenge hota hai – Ek acchi job paana wo bhi naa hi kewal achi Qualification aur Passion ko dekhte huye balki acchi Salary ke najariye se bhi. Jab ek person ki respect aur Pratishtha (prestige) uske job me uske role aur achi performance ki wajah se badhti hai to wo aur bhi motivate hota hai apne job me best kaam karne ke liye. Ab hum ek simple sawal par aate hai : Humare desh (India) mein sabse Pratishthit (reputed) Naukriya konsi hai?

Indian Ki Sabse Jyada ijaat Waali Jobs

To hum yahan le kar aaye hai, Bharat Desh ki sabse Pratishthit Naukariyon ki list. India me yadi koi bhi person inme se kisi bhi job me safalta hasil karta hai to Society me sirf uski hi nahi balki uski family, friends aur relatives ki ijjat bahut badh jaati hai aur use sabki taraf se special respect diya jaata hai. Chaliye dekhte hai konsi hai Most Prestigious Jobs in India..

IAS (Indian Administrative Services) Officer

IAS Officer Kinjal Singh HD Photo

IAS Officer Kinjal Singh

Humare desh mein sabse Pratishthit Naukariyon mein se ek hai Indian Administrative Services (IAS). Har saal lakhon candidates IAS Exam ki preparation karte hai aur UPSC ka exam dene ke liye baithte hain. Halanki, unmme se sirf kuhh hi isme pass ho paate hai. IAS officer samaj (society) mein behad respect prapt karte hai. Yeh desh ke honhar yuvaon (Youth) ke liye pramukh aakarshan mein se ek hai. Ek IAS officer ka Salary packages bhi kafi high hai. Is job me sarkar ki taraf se alag alag bhatte (भत्ते) aur bahut si suvidhaye pardan ki jaati hai. Indian Administrative Service bahut growth aur development facilities deti hai. IAS Officers UPSC ke exam ke maadhyam se select kiye jaate hai.

IPS (Indian Police Services) Officer

The First Lady IPS Officer of India Kiran Bedi HD Image with Quotes

The First Lady IPS Officer of India, Kiran Bedi

Sabse adhik respect waali naukari ke list me IAS ke baad yadi koi aur job aati hai to vo IPS (Indian Police Services) ke alawa koi aur ho hi nahi sakti. Har saal lakhon candidates IPS pariksha (Exam) ke liye baithte hain. IPS Officers bhi IAS officers ki tarah UPSC ke exam ke madhyam se hi select kiye jate hai. IPS job ki  profile aur jimmedaariyon mein shaamil hai..

  • Crime Prevention, VIP Security, Investigation and Detection, Counter-Terrorism.
  • Intelligence Bureau (IB), Central Bureau of Investigations (CBI), Leading secret agencies like Research and Analysis Wing (R&AW), Criminal Investigation Department (CID) etc.

Indian Foreign Services (IFS)

Indian Foreign Services Officers with Prime Minister Narendra Modi

Indian Foreign Services Officers with PM Narendra Modi

Ek aur national service job jo ki behad pratishthit hai vo hai, Indian Foreign Services. Yeh ek bahut acha mauka hai unke liye jo apne desh ko International level par duniya ke aur kayi deshon ke saamne represent karna chahte hai. Agar aap ek acchi salary aur respect waali job ki talash me hai aur aapko travel karna pasand hai to Indian Foreign Services se acchi job aapke liye koi ho hi nahi sakti. Is job mein aapko Desh-Videsh ghumne ka mauka milta hai. Is kaam mein bahut se amazing tasks chunautiyan (चुनौतियाँ) aati hai. Ye kaam sabse sammanit kaamo mein se ek hai. Indian Foreign Services Officer high salary earn karta hai aur saath hi desh videsh ghum kar apni life enjoy karta hai.

Indian Armed Forces (Air-Force, Navy & Army)

Indian Armed Forces are one of the most prestigious Jobs in India

Indian Armed Forces

Indian Armed Forces ke jariye desh ki sewa karna desh ki sabhi services mein se sabse sammanit (सम्मानित) service maani jaati hai. Ye services Good Pay Perks (भत्ते), Facilities, aur bhi bahut si suvidhaye pardan karti hai. Retirement ke baad bhi Armed persons ko har jagah jobs mein preference di jati hai.

Professor/Teacher in Top Govt. Institutions

Professor aur Teacher Bhi India Ke Sabse Pratisthit Jobs me Se Ek Hai

Professor

Teaching, noblest (महान) professions mein se ek maana jaata hai. Professor aur Teacher ka kaam apni knowledge share karna hota hai. IITs, IIMs top institutions mein ek Teacher aur Professor hona apne aap mein hi ek proud feeling deta hai. Ye actually me help karte hai ek student ko sahi direction pakadne me ek shandar career banane me. Students ke vikas ke liye ek professor ya teacher ke roop mein Ye ek pramukh bhoomika nibhate hain. Yahi karan hai ki kyu ek teacher or professor ki job ko prestigious mana jata hai. Professor/Teacher ki job ek bahut acha mauka hai dusron ke saath apna gyaan batne aur badhane ka, sath hi is profession me acchi earning aur secure future ki bhi guarantee hoti hai. Aise institutes me professor/teacher ki post ke liye qualify karne ke liye ek person ko National Eligibility Test clear karna padta hai aur iske saath hi uske paas top college se Phd ki degree hona bhi jaruri hai.

Also readIndia ki Top 10 Salary Waali Jobs

Agar aapko lagta hai humne koi aisi job miss kar di jo deserve karti hai is list me hona to comment ke jariye jarur btaye. Apni koi bhi baat aap comments ke dwara keh sakte hai.

Leave a Reply