Bachpan Me Pita Ka Murder, Maa Ko Cancer Lekin Khud Padhi aur Behan Ko Bhi Padhaya – Aaj Dono Hai IAS

“Bachpan me Mummy kehti thi ki Papa Chand par gaye hai, phir humne  dheere dheere puchna shuru kiya tab unhone papa ke sath huye hadse ke baare me bataya”.

Faizabad ki DM Kinjal Singh aur unke parivaar ki kahani bahut Painful aur emotional jo kisi ko bhi bhavuk (emotional) kar dene waali hai. Kinjal Singh 2008 mein IAS me selected huyi thi, aur aaj unki pehchan ek kabil officer ke roop mein hoti hai. Unke kaam karne ke tarike se District mein Crime karne waalon ke pasine nikalte hai.

IAS Officer Kinjal Singh HD Photo

Kinjal Singh 6 Month ki thi jab Unke Police officer pita ka murder unke hi department ke Police walon ne kar diya tha.

Aaj desh mein bahut se female IAS officers hai, lekin ve sabhi Kinjal nahi ban sakti. Usme Bachpan se hi dukho se ladne ki takat thi. 1982 me Pita K.P. Singh ka ek jhoothe encounter me murder kar diya gaya tha tab vo Gonda ke DSP the. Akeli Maa ne apni dono betiyon Kinjal aur Pranjal ki parwarish ki. Unhe padhaya likhaya aur IAS banaya.

Sirf yahi nahi, lagbhag 31 saal baad Kinjal apne Pita ko insaaf dilane mein safal rahi. Uske Pita ke katil aaj jail mein hai.

Mujhe Mat Maaro Meri Choti Beti hai

Kinjal ke pita ke akhiri words the – “Mujhe mat Maaro Meri Choti Beti Hai” ve jaroor us time apne baare me nahi balki apni betiyon ke baare mein soch rahe honge. Kinjal ki choti behan to us time apni Maa ke Garbh me hi thi. Yadi aaj Kinjal ke pita zinda hote to unhe jarur garv mehsoos hota is baat par ki – Unke ghar 2 betiyon ne nahi balki 2 Shernio ne janam liya hai.

IAS Officer KInjal Singh Father K.P. Singh Photo, Pic, Image

Bachpan, jo Bacchon ki parwarish aur unke liye sapne sajane ka time hota hai, us umar me choti si Kinjal apni Maa ke sath apne pita ke katilon ko saja dilwane ke liye court jaati thi. Us time to use ye bhi nahi pata tha ki vo kyu court jati hai. Par time ne ushe dheere dheere yeh ehsaas dila diya ki uske sar par pita ka hath nahi raha.

Insaaf Milne Se Pahle Hi Maa Haar Gayi Cancer Se Ladayi

Bachpan ki Study Banaras me puri karne ke baad, Maa ka sapna pura karne ke liye Kinjal ne Dehli ke college mein admission liya aur phir Kinjal ne chote se sehar se aa kar Delhi University mein Top Kiya, wo bhi ek baar nahi balki Do-Do baar.

Faizabad DM IAS Officer Kinjal Singh Mother and Father Photo

Kehte hai na Waqt Ki maar sabse buri hoti hai, Jab aisa feel ho raha tha ki ab sab kuch theek ho jayega, tabhi us par phir dukhon ka pahad tut pada, Maa ko cancer ho gya. Ek taraf subah Maa ki dekh-rekh aur phir college. Lekin Kinjal tuti nahi, par upar wala uska imtihaan lene se piche na hata. Exams se kuch din pehle hi Maa ki death ho gayi.

Shayad upar wale ko bhi nahi pata hoga ki bachi kitni bahadur hai. Tabhi to din mein Maa ka antim Sanskar karke, sham ko hostel aake study karke subah exam diya jo shayad hi koi aur kar pata. Aur jab result aaya to chamatkar ho gya, Kinjal ne University top kiya aur Gold Medal Hasil kiya.

Maa Ka Sapna Pura Kiya IAS Bankar

Kinjal batati hai ki sab festivals pe sara hostel khali ho jata tha, tab vo dono behane ek dusre ki shakti banti thi aur padhne ke liye ek dusre ko inspire karti thi. Aur phir jo hua uska gawah sara desh bana, 2008 mein jab result announce hua to mehnat ki jeet huyi aur do real sisters ne IAS ka exam ache marks ke sath clear kiya aur apni Maa aur Pita ka sapna pura kiya.

IAS Officer Kinjal Singh with IRS Sister Name Pranjal Photo, Image, Pic

Kinjal jaha IAS ki Merit list mein 25th Position par rahi wohi unki sister Pranjal ne bhi 252 Rank lekar achi position hasil ki. Par unfortunately unki itni badi Khushi ko share karne ke liye koi sath nahi tha. Kinjal Kehti hai –

“Bahut se aise lamhe aaye jinhe hum apne pita ke sath share karna chahte the. Jab hum dono Behno ka ek sath IAS mein selection hua tha is Khushi ko share karne ke liye naa humare saath Maa thi aur naa hi Pita.”

Kinjal apni Maa ko apni inspiration batati hai. Jab unke pita K. P. Singh ka murder hua us time ve IAS ka written exam paas kar chuke the aur Interview ki taiyari kar rahe the. Par unki maut ke sath unka ye sapna adhura reh gya. Isi sapne ko Maa ne apni dono betiyon me dekha. Dono betiyon ne khoob mehnat ki aur apne Maa Baap ke sapne ko pura karke dikhaya.

Akhir Insaaf Mila..

Ye mashoor English kahawat hai ki – `Justice Delayed Is Justice denied` jiska matlab hai, Der Se Mila Insaaf, Naa Milne Ke Barabar Hai. Jaahir hai ki har kisi mein Kinjal jaisa Hausla aur Himmat nahi hoti. Khair Insaaf, Insaaf hota hai. In palon mein Kinjal khud ko majboot kar kehti hai..

Sabse jyada dukh ki baat yeh hai ki, Meri Maa jinhone itna lamba sangharsh kiya is insaaf ke liye aaj insaaf dekhne ke liye is duniya mein nahi hai. Agar ye insaaf thoda pehle ho jata to un logon ko bhi Khushi hoti jo ise dekhne ke liye ab is duniya me nahi hai.

Kya tha Pita Ke Murder Ka Mamla ?

Police ka is mamle ko daaba tha ki K. P. Singh ka murder gaon (village) me chupe dakaiton (डकैतों) ke sath cross firing mein huyi thi. Is mamle ki investigation CBI ko de di gayi. Investigation se pata chala ki Kinjal ke pita K.P. Singh ka murder unke hi department ke ek junior Police waale (RB Saroj) ne ki thi aur to aur K.P. Singh ke murder ko sach dikhane ke liye un Police waalon ne Gaon ke bhi 12 logon ki hatya kar di thi. 31 saal tak chale is case ke faisle me CBI court ne teen (3) accused (अभियुक्त) ko Fansi ki saza sunayi. Is case me total 19 police waalon ko अभियुक्त (accused) banaya gaya tha jisme se 10 ki pahle ki death ho chuki hai.

UP ke sabse bade District, Lakhimpur Kheri me DM ke post par rahte huye Kinjal ko kayi awards mile, jisme kuch hai.. Devi Awards, Half Marathon Mumbai, Indore me National Award, aur State Election Commission chief ki post.

Kinjal Singh abhi Faizabad ki DM hai, lekin ek saal mein unhone Lakhimpur Kheri ke liye jo kaam kiye wo koi aur nahi kar saka. Wahan ke log Kinjal ko masiha mante hai. Lakhimpur Kheri ke logon ko aage badhane mein Kinjal ne jo help kiye hai wo Appreciable hai. Unke lajawab kaam ke liye unhe Chief Minister, Home Minister aur kyi Institutes ne unhe सम्मानित kiya.

DM Faizabad Kinjal Singh Taking Award Moment Photo Image

Kinjal Singh ki Himmat aur jazbe ko Hum salam karte hai, jisne Zindagi me aane waali muskilon ko apna rasta banaya. Madam Kinjal Singh aaj ki youth ke liye ek perfect role model hone ke layak hai. Inse bahut kuch seekha ja sakta hai. Kaise muskil situations se ladna hai aur life me sahi raste par aage badhna hai ye Kinjal Singh ki khani se acha koi aur nahi bata sakta. Salute hai IAS Officer Ms. Kinjal Singh ko.

Yadi aapko Kinjal Singh ki story dumdaar lagi to ise jyada se jyada share jarur karein. Aisi khani sab ko pata chalni chahiye.

Leave a Reply